Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. Ein Engel schon, aufz Gottes Thron. Oft op de naeuolghende wijse. | |
[Folio 100r]
| |
 O Jhesu schoon, Godt van Persoon,
Een Roose sonder doren:
Ghy hebt met macht, ons wederbracht,
Dat langhe was verloren:
Doer dijnen raet, Godt Vader laet,
Dijn toecompste voorspreken,
Op dat niet sy te wreken:
Mijn sondich quaet, ghy geeft ons baet,
| |
[Folio 100v]
| |
 Gheen troost en steect, daer ghy gebreect,
Om ghenaede te weruen:
Die u niet heeft, die hulpe gheeft,
Die moet eewichlijck steruen.
O Christe milt, ghy hebt ghestilt,
Der Vaderen verlanghen:
Die Jaer en dach, deden gheclach,
In duysterheyt gheuanghen:
En riepen o Godt, opent dit slot,
En schuert des Hemels poorten,
En seynt Christum vol confoorten.
Den Mesciam, die ons afnam,
Die smert en pijn, dat ick door dijn,
Heylich bloet verstercke.
O Godt seer groot, ghy vrijt wt noot,
Door dijner ghenaeden wercke.
| |
[Folio 101r]
| |
O Jhesu reyn, ghy zijt alleyn,
Der Sondaren troost op eerden:
Des heeft u fier, sVaders wil hier,
Ghesonden, om mensch te weerden.
Tot salicheyt, sult ghy bereyt,
Ten laetsten daghe gheuen,
Die gheloouen teewich leuen.
O weerde vrucht, al mijn toeulucht,
Heb ick tot dy, want ghy hebt my,
Teewich leuen verworuen.
Op u hoep ick, heel vastelick,
Ghy zijt voor my ghestoruen.
O Christe groot, een Roose root,
Schoone aen allen eynden:
Van herten ghy, wt smerten vry,
Doet ghy my tot dy weynden:
Sonder u woort, mijn Siel lijt moort,
Door die valsche Propheten,
Die my willen opeten:
Menigherley, Ketters gheschrey,
Dichtet mijn werck, hier in dit perck,
Om u ghenaede tontuanghen.
Laet my niet meer, o lieue Heer,
Aen valsche Propheten hanghen.
O Jhesu fijn, dijn woort gheeft schijn,
En blinckt als een Dyamant:
Een licht salt zijn, den armen dijn,
In duysterheyt hier gheplant:
O Christe weert, dit licht begheert,
| |
[Folio 101v]
| |
Mijn herte in allen val,
Dat ick niet dole al,
Dijn troostich woort, is mijn confoort,
Als nu wort snel, verscheyden wel,
Siele, ende Lijf.
O Heere ghy, zijt my dan by,
Helpt my, in dit bedrijf. Amen.
|
|