Een hantboecxken inhoudende den heelen Psalter des H. propheete Dauid


Een dancksegghinghe, oft gratie, nae den eeten.
Op de wijse: Nun freucht euch lieben Christen, Oft op de naeuolghende wijse. O Godt wy dancken u van dijn goet, Door Christum onsen Heeren: Voor dijne gauen in oueruloet, Door welcken ghy doet vermeeren:
[Folio 85v]
Al wat den Adem heeft ontfaen, En hebt den Nootdruft daer ghedaen, U gheschiede lof, prijs, en eere: En eere. Als ghy nu Heere spijset vast, Dat Lichaem, twelck verderuet: So laet die Siele oock syn dijn gast, Die door u nimmermeer steruet. Dijn heylich woort haer spijse sy, Tot sy oock gantsch vercrijghet dy, En in eewicheyt vertrouwet: vertrouwet. Lof, eere, en danck tot alder tijt, Den Vader en Heere hier bouen: Die ons die sonden maket quijt, Door een oprecht ghelouen: Aen synen eenighen gheboren Soon, Op dat wy met syn kinderen schoon, Hem eeuwich prijsen. Amen: Amen.