Een hantboecxken inhoudende den heelen Psalter des H. propheete Dauid

[fol. 86r]

Een ander gratie.

Op de wijse. Herr Christ der ewig.

O Godt den mont u prijset,
En singhet u grooten danck:
Dat ghy ons hebt ghespijset,
En ghegheuen goeden dranck.
Dijn mildicheyt om mercken,
En ons ghelooue te stercken,
Dat ghy zijt onsen Godt.

Hebben wy dit ghenomen,

Met luste en bouen maet:
Waer door wy mochten comen,
In dijnen tooren en haet:
So wilt ons wt ghenaden,
Dat selue niet laeten schaden,
Door Christum dijnen Soon.

Wilt altijt so vermeeren,

Heere onse Siele en Gheest:
Dat wy tot Christum keeren,
En door u worden vermeest:
Dat wy sterck syn int lijden,
En der sonden hongher mijden,
Nu, ende eewichlijck.