Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. Herr Christ der einig Gotts Son.U Bidden wy dijn kinderen,
O Vader en Heere groot:
Doet onse sorghen minderen,
Gheeft ons dat daghelijcx Broot:
Behoedt in ons dat leuen,
Dat ghy ons hebt ghegheuen,
Tot wy ons vinden by dy.
| |
[Folio 85r]
| |
Wilt oock ghebenedijden,
Wat ghy ons hebt bereyt:
Dat wy cranckheyt ontglijden,
Vermeerdert ons sterckheyt:
Om in dijnen dienst te blijuen,
En wercken der liefden te drijuen,
Teghen den naesten fijn.
Wilt U liefde bewijsen,
Ons gheuende goeden raet:
Wilt dhongherighe spijsen,
En versaeden sonder verlaet:
Dat wy u alle louen,
Dijne goetheyt van hier bouen,
En bekennen altijt met danck.
|
|