Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp den naeuolghenden thoon. O God verleent my dijn ghenaedt,
Gheeft hulp en raedt,
Mijner vyanden zijn soo veel,
Die met ghequeel,
Oft ick moet heel verzaghen:
Van u my willen iaghen:
| |
[Folio 76v]
| |
 Die werelt my quelt, En netten stelt,
Dat vleesch veruleckt, My van u treckt,
O Heere ick moet u claghen.
Den Duyuel is den eersten vyant,
Die quelt van allen cant,
En drijft veel quade stucken,
Noachtans heeft niemant vreese daer an,
Want hy wel can,
Met schoon schijn, syn quaet drucken:
Door hypocrizij, ende boeuerij,
Veel menschen schent, en meer verblent,
Alst hem wel mach ghelucken.
Voor desen Moorder my verwaert,
Verlost en spaert:
Maeckt reyn in my dat herte o Heere.
Als ghy niet selue dat huys en bout,
Elck blijft benout,
En is in grooten verseere:
Daer ghy niet zijt, Jhesu altijt,
Die my ter noot, helpt wt den stoot,
| |
[Folio 77r]
| |
Daer blijf ick in die leere.
Daerom o Heere mijn hulper goet,
My bystant doet,
Tot in mijn laetste eynden.
So wil ick teghen hun stellen wel,
Bloet, Vleesch, en vel,
Wilt my dijn Trooster seynden:
So blijuick beurijt, al ist dat spijt,
Alle duyuels ghemeyn, dees weerelt onreyn,
Sal my niet van u weynden.
Al waert dat duyuel, en weerelt al,
Int aertsche dal,
Vergaderden cracht met sinnen.
So is by u mijn troost onuerquist,
Heer Ihesu Christ,
Ghy cuntse al verwinnen.
Ick ben bereyt, al waert oeck leyt,
Wijf ende man, my en leyt daer niet an,
By u laet ick my binnen.
Den dach die compt en is voor de duer,
Die brengt groot ghetruer,
Allen die hem nu laeten aftrecken.
En houden tghelooue aen u o Godt,
Voor eenen spot,
Haer schalckheyt sult ghy ontdecken.
Met straffen groot, en eewighen doot,
Ick bidde dy, Heere doet my,
In Christo weder opwecken.
Ghy sult helpen wt allen ghequel,
| |
[Folio 77v]
| |
Tvolck Israhel,
Als commen syn u daghen,
En sult verdoemen dat volck Babel,
Met u recht snel,
Die nu voor u verzaghen.
O stercke Godt, Heer Zebaoth,
Ick coeme u by, Heere helpt my,
Ick wilt met u al waghen.
|
|