Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp den naeuolghenden thoon. Ick roep aen u Heer Jhesu Christ,
| |
[Folio 71r]
| |
 Biddende hoort mijn claghen:
Door u ghenade my verfrist,
En laet my niet verzaghen:
Dat is Heere Tghelooue soet,
Wilt my wt gonsten gheuen,
In mijn leuen:
Dit doet den naesten goet,
Nae dijn reyn woort beschreuen.
Ick bidde meer, o Heere Godt,
Wilt my ghenadich schencken:
Dat ick niet en worde een spot,
| |
[Folio 71v]
| |
Doet my der hopen ghedencken.
Als my die doot van hier heen treeckt,
Dat ick op u vertrouwe,
En niet bouwe,
Op mijn werck seer beuleckt,
So steruick sonder rouwe.
Gheeft dat ick oock wt hertens gront,
Vergheue mijn vyanden.
En maeckt my vry ter deser stont,
Van mijn sondighe banden:
Dijn woort een spijse sy altijt,
Om mijn siele te voeden,
En behoeden,
Van ongheluck subijt,
En van allen ongoeden.
Laet my noch lust, noch angst van dy,
Ter werelt hier afweynden:
In hope maeckt ghestadich my,
Staet by my in mijn eynden:
Want dese duecht gheeft ghy voor niet,
Ons werck cant niet verweruen,
Noch aen eruen,
Tis u ghenade siet,
Die ons beurijt van steruen.
Ick ben in strijt, en wederstae,
Maer helpt Christe mijn saeken:
Tot u ghenade alleyn ick gae,
Ghy cont my stercker maken:
Als my aenuechting compt aen boort,
| |
[Folio 72r]
| |
Bedenckt u teere vaeten,
En met baeten,
Des vyants macht verstoort,
Ghy en cont my niet verlaeten.
|
|