Een hantboecxken inhoudende den heelen Psalter des H. propheete Dauid

Een ander gheestelijc liedt.

Op de wijse. Laet ons den Landtman louen: Oft op: Richt mich. das ichs mög leiden. Oft op den XXVI. Psalm.

O Rijcken Godt in den throone,
Schenckt ons u goetheyt goet:
Al door dijn menscheyt schoone,
U woort ons siele voet.
Die wereldt is omhanghen,
Noch heel met swaren noot,
Tverghift der quader Slanghen,
Seer langhen tijt verganghen,
En is niet bleuen doot.

Godes woort met gheschalle,

Schijnt claerlijck aen den dach,
Daerom soo schickt u alle,
En merckt op mijn ghewach:
Nakende syn die eynden, /
Die Christus heeft voorseyt:
Godt wil ghenade seynden,

[fol. 70r]

 

Dat wy ons tot hem weynden,

 

Door syn bermherticheyt.

 

 

 

Ten is gheen vrede op eerden,

 

Wy sien die duecht hier breeckt,

 

Godts woort is niet in weerden,

 

Vol boosheyt die weerelt steeckt:

 

Waer blijft des naetens kermen,

 

Die liefde is nu seer cleyn.

 

Godt mach des wel erbarmen,

 

Tgaet nu ouer den armen,

 

In al des werelts pleyn.

 

 

 

O Sondaer ghy sout dencken,

 

Dat ghy hebt quaet ghedaen:

 

Godt en salt u niet schencken,

 

Wilt dit beherten zaen:

 

Dat Christus heeft ghesproken,

 

In Matheo verbreyt:

 

Hebt ghy tghebot ghebroken,

 

Ten blijft niet onghewroken,

 

Door Godts gherechticheyt.

 

 

 

Godts woorden my verhueghen,

 

Gheseyt van Abraham:

 

Godts kinders wy worden mueghen,

 

Soo by Lazarum tot hem nam.

 

Compt Heere met dijnen goeden,

 

Ghy weet den rechten tijt,

 

Ghy cunt ons wel behoeden,

 

En troosten onse moeden,

 

Om te leuen verblijt.

 

 

[fol. 70v]

 

Den Gheest Heere verslaghen,

 

En sult ghy niet versmaen:

 

Ghy wilt hem gheerne draghen,

 

Sonder hem af te gaen.

 

Christi beloften reyne,

 

Volbrengt den Vader al,

 

Gaet tot hem al ghemeyne,

 

Eer u Tserpent vercleyne,

 

Den strijt valt in dit dal.

 

 

 

Met corten woorden sluyten,

 

Wil ick nu hier dit Liedt.

 

Siet ghy den armen buyten,

 

Helpt hem in syn verdriet.

 

Wilt u gauen wtmeten,

 

Sonder den erghen waen,

 

Doet goet al met secreten,

 

Deen hant en moet niet weten,

 

Wat dander heeft ghedaen.