Een hantboecxken inhoudende den heelen Psalter des H. propheete Dauid

Dat ghebet Esaie int xxxiij. Capitel. begrepen in een liedt. VV.M.

Op de wijse. O Herre Gott begnade mich. Oft op den LI. Psalm.

[fol. 68r]

 

O Heere Godt ontfermet u,

 

Door dijn ghenade ouer ons nu,

 

Want wy wachten ghemeyne,

 

Op uwe hulpe alleyne:

 

Want onsen vyant is seer fel,

 

En waeckt op wacker ende snel,

 

Om ons hier te vercloecken,

 

En heymelijck te versoecken.

 

Maer Heere Godt, Godt sterck en groot,

 

Sijt ons sterckheyt in allen noot:

 

Ons salicheyt zijt ghy seer sterck,

 

Een yghelijck leyt op u syn merck,

 

Ten tijde van elende.

 

 

 

Maeckt Heere Godt hier oueral,

 

Dat door dijner stemmen gheschal,

 

Die Heydenen vluchten moeten,

 

Eer sy ons met leet begroeten.

 

So sullen door uwe macht o Godt,

 

Al onsen vyanden behalen spot,

 

En sullen hier ter eerden,

 

In den slach die vlucht aenueerden:

 

Dan sal al haren roof certeyn,

 

Vergadert worden, als Keueren cleyn,

 

Die men altijt by hoopen vergaert,

 

Behoedt ons Heere ende bewaert,

 

So en can ons niet mislucken.

 

 

 

Rijst op Heere met dijner cracht,

 

Slaet neder onser vyanden macht:

 

Ghy woent in dhoochste stede,

[fol. 68v]

 

Maeckt dat u elck mensch aenbede.

 

Beghiftet ons met heylicheyt,

 

Veruult ons oock met gherechticheyt.

 

Gheloue en trouwe verheuen,

 

Wilt ons Heere beyde gheuen.

 

Macht, spoet, wijsheyt, en consten goet,

 

Weynt niet van ons, met liefde soet,

 

Die vrese Godes leert ons meer,

 

Bewaert ons Heere voor menschen leer,

 

En maeckt ons weghen rechte.