Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de naeuolghende voys. Op u O Jhesu Christe alleyn,
| |
[Folio 67r]
| |
 Staet mijn hope ter eerden:
Ghy zijt mijn Trooster dat weet ic certeyn,
Anders gheen troost helpt my van weerden:
Gheen ander en was hier oyt vercoren,
Ter aerden en is gheen mensch gheboren,
Die my wt nooden helpen can,
Dies roep ick u an,
Alleen op u, Staet mijn betrouwen nu.
Mijn sonden syn swaer in dit ghecrijt,
En rouwen my van herten:
Wilt my van desen maken quijt,
Door uwen doot en smerten.
| |
[Folio 67v]
| |
En toocht my dijnen Vader zaen,
Dat ghy voor my hier hebt voldaen,
So werd ick mijner sonden ontlast,
Heere hout my vast,
Also ghy my, belouet vry.
Gheeft my nae dijne bermherticheyt,
Dat rechte Christen betrouwen:
Op dat ick hier dijn soeticheyt,
Oprechtlijck mach beschouwen:
Voor allen dinghen beminnen dy,
En mijnen naesten, ghelijck als my,
Seynt my u hulpe in den eynt,
Tot my u weynt,
Des duyuels list, breeckt, ende twist.
Eere sy Godt in den hoochsten Throon,
Den Vader van allen goede:
En Jhesum Christum synen Soon,
Die ons altijt behoede.
En Godt den heylighen Gheest claer,
Die ons syn hulpe gheue eenpaer,
Op dat wy u behaghen reyn,
Hier int aertsche pleyn,
En volghen bet, in eewicheyt net. Amen.
|
|