Een hantboecxken inhoudende den heelen Psalter des H. propheete Dauid


Een ander Liedt, te singen, teghen die twee Aertsvyanden Christi, den Paus ende Torcken. D. Martinus Luyther.
Op de wijse. Nu kom der Heiden Heiland. Oft op den naeuolghenden thoon. Heere hout ons by dijnen woort, En breect des Paeus en Torcken moort, Die Jhesum Christum dijnen Soon,
[Folio 66v]
Worpen willen wt synen Throon. Bewijst u macht Heere Jhesu altijt, Ghy die een Heere der Heeren zijt, Beschermt u arme Christenheyt, Dat sy u prijse in eewicheyt. Godt heylige Gheest ghy Trooster goet, Gheeft dijnen volcke eenderley sin en moet, Staet by ons in den laetsten noot, Leyt ons int leuen wt den doot. Maeckt haer aenslaghe Heere tot niet, Op dat sy treffen haer selfs verdriet, En stort hem in den diepen Pit, Die als Christus inden Tempel sit. So sullen sy bekennen toch, Dat ghy onsen Godt hier leuet noch, En helpt gheweldich dijne schaer, Die haer op u vertrouwet claer.