Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp den naeuolghenden thoon. Compt heylige Gheest Heere God zoet,
| |
[Folio 45v]
| |
 Veruult met dijner ghenaden goet,
Aller gheloouigher herte en sin,
Ontsteect u bernende liefde daer in,
O Heere door uwen claren schijn,
In een ghelooue paren fijn,
Die menschen van allen tonghen,
Dit sy u Heere tot lof ghesonghen.
| |
[Folio 46r]
| |
 Alleluya. Alleluya.
Ghy heylich licht door u groot confoort,
Laet in ons schijnen des leuens woort:
En leert ons Godt sonder eenich schamen,
Van rechten herten Vader namen:
O Heere keert van ons valsche leer,
Dat wy gheen meesters en soecken meer,
Maer dat wy in Christo vertrouwen slecht,
En oock op hem met Ghelooue bouwen recht.
Alleluya. Alleluya.
Ghy heylighe Fonteyne vol duecht,
Helpt ons ghetroost met goede vruecht,
In uwen dienst ghestadich blijuen,
Dat ons gheen droefheyt can verdrijuen:
O Heere wilt in ons doen u werck,
En maeckt des vleesches swackheyt sterck,
Op dat wy hier vromelijck wringhen,
Dat wy tot dy, door den doot fyn dringhen.
Alleluya. Alleluya.
|
|