Een hantboecxken inhoudende den heelen Psalter des H. propheete Dauid

Een ander liedt ende ghebedt, tot den Heylighen Gheest. D. Martinus Luther.

Op de naeuolghende voys.

[fol. 46v]

 

 

Nu bidden wy den heyligen Gheest,

 

Al om dat rechte Ghelooue aldermeest,

 

Dat hy ons wil bewaren, in onsen eynde,

 

Als wy van hier eens varen wt deser eleynde.

 

Kyrieleis.

 

 

 

Ghi weerdich licht geeft ons u schijnsel reyn,

 

Leert ons Jhesum Christum kennen alleyn,

 

Dat wy by dien verlosser blijuen ghetrouwe,

 

Die ons gebracht heeft, tot deewige landouwe.

 

Kyrieleys.

 

 

 

Ghy liefste lief, schenckt ons u liefde hier,

 

Laet in ons ontsteken der liefden vier,

 

Dat wi met gantscher herten, liefde recht drijuen,

[fol. 47r]

 

Ende met vrede op eenen sinne blijuen. Kyrieleys.

 

 

 

Ghy hoochtste Trooster in al onsen noot,

 

Helpt dat wy niet vreesen schande noch doot,

 

Dat in ons die sinnen niet en verzaghen,

 

Als die vyant ons leuen sal beclagen. Kyrieleys.