Een hantboecxken inhoudende den heelen Psalter des H. propheete Dauid

Een lofsanck ghenaempt veni Creator Spiritus. Verduytscht door D. Martinus Luyther.

Op den naeuolghenden thoon.

Compt God Schepper heylighe Gheest,
Besoeckt der menschen herten alder eest,
Wilt die met ghenaden hier,
Veruullen en raden fier.

Want ghi zijt genaempt een Trooster zoet,

Vant alderhoochste eewich goet,
Een gheestelijcke salue ient,
Fonteyne leuende, lieflijck vier bekent.

[fol. 45r]

 

Ontsteeckt een licht in ons verstant,

 

Gheeft onse herten der liefden brant,

 

Des vleesches swackheyt openbaer,

 

Helpt ende sterckt met u cracht claer.

 

 

 

Ghy zijt van ons in dit gheschrey,

 

Om uwen gaeuen seuenderley,

 

Een vingher Godts en Vaders woort,

 

Ghenaempt en ouer al ghehoort.

 

 

 

Des vyants list van ons verdrijft,

 

Gheeft ons dijn vrede in u verstijft,

 

Op dat wy gheeren lijdtsaem syn,

 

En mijden der Sielen schade fyn.

 

 

 

Leert ons den Vader kennen snel,

 

Daer toe oock Jhesum Christum wel,

 

Dat wy u doort ghelooue zaen,

 

In den Gheest leeren verstaen.

 

 

 

Lof sy Godt Vader en Sone altijt,

 

Die van den dooden ons beurijt,

 

Den Trooster sy oock lof gheseyt,

 

Nu en tot in der eewicheyt. Amen.