Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. Von Himmel hoch da kom ich her, Oft op Christe der du bist tag und liecht.ACh Christe ons verlosser soet,
Die daer zijt in u kindtscheyt goet,
Ten achsten daghe besneden hier,
Nae die Mosaische zeden schier.
En hebt ten eersten u bloet seer reyn,
Vergoten voor ons in taertsche pleyn,
Ghy zijt ghecommen onder den wet,
En hebt den vloeck op u gheset.
Die sware lasten aenueerdet ghy,
Op dat wy der sonden werden vry,
Daerom is Jhesus uwen naem,
Dat is verlosser, recht en bequaem.
O Jhesu hier onsen sin besnijt,
En ons van allen strijt beurijt,
Die teghen uwen wille vecht,
En Sathans wille Dient als knecht.
| |
[Folio 32r]
| |
Bewaert ons oock voor tswerelts net,
En leert dynen Goddelycken Wet,
Op dat wy dit Jaer begonnen wel,
En altijt volghen u paden snel.
Ons conste en werck is al voor niet,
Daerom verleent ons u gratie siet,
Dat wy met waerheyt synde vroo,
Uwen name prijsen, dat sy soo.
|
|