Een hantboecxken inhoudende den heelen Psalter des H. propheete Dauid

Een ander troostelijc liedt van der gheboorten ons Heeren Jhesu Christi. D.M. Luther.

[fol. 28v]

Op die voorgaende wyse.

VAn den Hemel quam die Engelsche schaer,
En verscheen den Herderen openbaer,
Segghende een teer Kindeken,
Leyt daer in een hert Cribbeken.

Te Bethlehem in Dauidts stat.

Aloo Micheas vercondicht dat,
Daer is Jhesus den Heere goet,
Diet al verlosset met syn bloet.

Dies sout ghy blijde zijn ghemeen,

Dat Godt met u is worden een,
Gheboren is hy, u vleesch en bloet,
U broeder is nu dat eewich goet.

VVat can u doen, die sonde en doot,

Den waren God, helpt u in noot,
Laet duyuel en helle toornich syn,
Godes Sone is u gheselle fyn.

Hy en wil noch en can u laten niet,

Daer op set al u baten siet,
Veel moeghen u wel vechten an,
Fy hem die niet wtrechten can.

Ten laetsten moet ghy recht houden fier,

Ghy zijt Godes gheslachte hier,
Dies dancket God tot allen tijt,
Gheduldich, blydelijck met iolijt. Amen.