Een hantboecxken inhoudende den heelen Psalter des H. propheete Dauid


Een ander vander gheboorte Jhesu Christi.
Op den voorghemelden thoon. EEn Kindeken so louelijck, Is ons gheboren huyden, Van eender Maghet suyuerlijck, Tot troost der armen luyden, Waer ons dit kindeken niet gheboren, So waren wy al te male verloren,
[Folio 26v]
Die Salicheyt is voor ons allen, O soete Jhesu Christe altijt, Dat ghy mensche gheboren zijt, Beurijt ons van thelsch vallen. Den tijt is nu heel vol iolijt, Om prijsen Godes name, Dat Jhesus Christus ghebenedijt, Is comen tonser vrame, Het is voorwaer groote ootmoet, Die Godt van Hemel by ons doet, Hy is een Dienaer worden, Sonder sonde ons allen ghelijck, Door wien wy worden eewich rijck, Hy draecht al onse borden. Wel hem die des gheloouens is, Met heeler herten trouwen, Want hy sal salich zijn ghewis, Wel hem die hier op bouwen: Dat Christus heeft ghenoech ghedaen, Voor ons, en is oock wtghegaen, Van God den eewighen Vader, O wonder, ouer wonder daet, Christus draecht ons missedaet, En stillet onsen hader. Des danckt hem alle Christenheyt, Voor sulcken grooten goede, En bidden zijn bermherticheyt, Dat hy ons hier behoede, Voor valsche leere ende boosen waen,
[Folio 27r]
Daerin wy langhe hebben ghestaen, Hy wil ons dat vergheuen: God Vader Soon ende heylighen Gheest, Wy bidden van u aldermeest, Laet ons in vreden leuen.