Een hantboecxken inhoudende den heelen Psalter des H. propheete Dauid

Een ander liedt op de woorden. Dies est laetitiae.

Op den naeuolghenden thoon.

Dit is den dach van vrolijcheyt,
Voor allen Creatueren:
Want Godes Soon van eewicheyt,
Ouer alle natueren:

[fol. 25v]

 

 

Van eender Maghet is gheboren,

 

Maria ghy zijt wtvercoren,

 

Dat ghy Moeder wordet:

 

Dit gheschiet soo wonderlijck,

 

Godes Soon van Hemelrijck,

 

Die is nu Mensch gheworden.

 

 

 

Ghelijck die Sonne dat Glas doorsteeckt,

 

Met haren glansse reyne,

[fol. 26r]

 

Twelck sy nochtans niet af en breeckt,

 

Soo merckt hier al ghemeyne:

 

Also wort oock gheboren hier,

 

Van eener Maghet reyn en fier,

 

Godes Sone vol weerden,

 

Sijn bedde wert in een cribbe ghespreet,

 

Grooter iammer hy voor ons leet,

 

Hier op deser eerden. /

 

 

 

Die Herderkens op dat selue pas,

 

Vernamen nieuwe mare,

 

Dat Jhesus Christus gheboren was,

 

Sprack die Enghelsche schare:

 

Een Coninck ouer die Coninghen groot,

 

Twelck Herodes seer verdroot,

 

En sant wt zijne boden:

 

O wat grooten valschen list,

 

Dacht hy teghen Jhesum Christ,

 

Die Kinderkens liet hy doden.