Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
Auteursrechtvrij
[Folio 18r]
| |
 Den anderen Choor.
Heer Godt u dancken wy.
Den. i.
U Vader die eewich zijt,
Den. ij.
Eert die gantsche aerde wijt.
den i.
Alle Enghelen o Heer,
>den ij.
Louen u en prijsen seer.
den i.
U prijst die Enghel Cherubim
den ij.
En oock de Engel Seraphim.
den i.
Dijn lof oock onuersadelijck,
den ij.
Roepen sy seer ghestadelijck.
den i.
Heylich is onsen God,
den ij.
Heylich is onsen Godt.
| |
[Folio 18v]
| |
 Beyde die Chooren te samen.
Heylich is onsen God, die Heere Zebaoth.
Den eersten Choor.
Die Hemelen en eerde breyt,
Den anderen Choor.
Sijn vol van uwer Mayesteit.
Dit wert oock voorts ouerhant ghesongen, veruolghende den Kercksang, den eenen Choor nae den anderen. Den eersten Choor.
Die heylighe Boden al,
Den anderen Choor.
En der lieue Propheten ghetal.
Den eersten Choor.
Der Martelaren schaer,
Den tweeden Choor.
Louen u Heere int openbaer.
den i.
Die gantsche Christenheyt,
den ij.
Op aerden uwen naem wtspreyt.
den i.
U Godt Vader in hoochsten throon,
den ij.
En uwen eenighen lieuen Soon.
| |
[Folio 19r]
| |
den i.
Den heyligen Gheest en trooster wijs,
den ij.
Met rechten dienst, sy lof en prijs.
den i.
O Christe die een Coninck zijt,
den ij.
Der glorien ghebenedijt
den i.
Ghy zijt des Vaders excellent,
den ij.
Eewighen Sone hier bekent.
den i.
Des Maghets Lichaem hebt ghy niet versmaet,
den ij.
Om te verlossen tmenschelijck zaet.
den i.
Ghy hebt verstoort des doots ghewelt,
den ij.
En alle Christenen inden Hemel ghestelt.
den i.
Ghy sit aen Godes Rechterhant,
den ij.
In dijnes Vaders rijcke playsant.
den i.
Ghy zijt gheloeft hier ouer al,
den ij.
Een Rechter die noch comen sal.
den i.
Helpt ons toch nu die knechten dijn,
den ij.
Die met u dierbaer bloet verlosset zijn.
den i.
Laet ons in Hemel zijn ghetelt,
den ij.
Met dijnen heylighen ghestelt.
den i.
U volck Heer wilt behouden heel,
den ij.
Ghebenedijt oock u erfdeel.
den i.
Regeert, en helpt hem so ghy toeseyt,
den ij.
En maecktse groot in eewicheyt.
den i.
Wy louen en prijsen uwen name ient,
den ij.
Daghelijcx, eewich en sonder ent.
den i.
Bewaert ons Heere desen dach,
den ij.
Van sonde en al dat schaden mach.
den i.
Sijt ons ghenadich met der daet,
den ij.
Ontfermt u onser vroech en laet.
| |
[Folio 19v]
| |
den i.
Laet ons dijn goetheyt comen by,
den ij.
Soo wy aen u vertrouwen vry:
den i.
Op u betrou ick lieue Heer,
den ij.
Laet my in schanden nimmermeer.
AMEN.
|
|
