Een hantboecxken inhoudende den heelen Psalter des H. propheete Dauid

Den Lofsanck Symeonis. Nunc dimittis seruum tuum. Lucas. ij.

Op de volghende voys.

Met vrede en vruecht gae ick daer in,
En al nae Godes wille,
Ghetroost is my mijn hert en sin,
Gherust en stille,
Soo my mijn Godt belouet groot,

[fol. 17v]

 

 

Nu is den doot, my eenen slaep geworden.

 

 

 

Dat maeckt Christus Godes Soon claer,

 

Die daer is mijn Salicheyt,

 

Den ghy my hier laet sien voorwaer,

 

Ende bereyt,

 

Door wien wy hier verweruen,

 

Sonder steruen, een leuen.

 

 

 

Ghy maeckt dat hem alt volck hier siet,

 

Wt grooter ghenaden,

 

En tot zijn Rijcke ghy ontbiet,

 

Alle beladen,

 

Door u heylich dierbaer woort,

 

Twelck is ghehoort, op alle paden.

 

 

 

Hy is dat licht twelck hier gheschiet,

 

Voor allen Heyden,

 

Te lichten die hem kennen niet,

 

Sonder afscheyden,

 

Hy is den volcke Israel,

 

Sonder ghequel, lof, prijs, en eere.