Een hantboecxken inhoudende den heelen Psalter des H. propheete Dauid



[Folio 170r]
Psalm. CXXVIII. Beati omnes qvi timent Dominum. Is eene leere, hoe dat Godt sijn gebenedijdinge den ghenen wilt gheuen die hem vreesen.
Op de wijse. Christe der du bist tag und liecht. Oft op den C XXII. Psalm. Oft op den naeuolghenden thoon. Salich is hy, die in Godts vreese staet, En die op sijne weghen gaet, U eyghen bandt soud u gheneeren wel, Soo leeft ghy dan recht, en het gaet u wel. U huysvrou die sal in u huys syn, Glijck eenen Wijngaert vol druyuen fyn, En u kinderen om u Taeffel rontsom, Glijck Olijfftacken, ghesondt en schoon. Siet soe sal ghebenedijt syn dan, Als in de Godts vreese leeft de Man: En van hem blijft oock den vloeck, en thorn,
[Folio 170v]
Die alle menschen is aengheboren. Wt Zyon sal u Godt seeghenen wijdt, Dat ghy ste vast sult sien altijdt, De Stadt Jerusalem in groot gluck staen, En voor Godt in gnaden aenghenaem. Oock bewaren sal Godt u leuen fijn, En met syn goetheyt so by u syn, Dat ghy sult sien uwer kinder kindt, En oock, dat Israel vrede vindt.