Een hantboecxken inhoudende den heelen Psalter des H. propheete Dauid
(1565)–Anoniem Hantboecxken inhoudende den heelen Psalter des H. propheete Dauid, Een–
AuteursrechtvrijOp de wijse. O Herre Gott begnade mich. Oft op den naeuolghenden thoon. Mijn Siel loeft doch den Heere vry,
| |
[Folio 136r]
| |
 En al wat datter oock is in my,
Dat begheef hem om te louen,
Den Heere hooch hier bouen:
Loeft oock den Heere ghy Siele mijn,
Vergheet oock niet de weldaden zijn,
Die hy seer wtermaten,
My heeft toecommen laten:
Die u oock vergheeft al de sonden dijn,
En gheneest al u ghebreken fijn,
Die van het verderuen u beurijdt,
| |
[Folio 136v]
| |
 Die u oock croont, en ghebenedijdt,
Met zijn goetheyt, en ghenade.
Die u met troosting veruult seer gendt,
En wederom ionck maeckt glijck eenen Arendt,
De Heer die ordeelt te rechte,
Alle die, so lijden onrechte:
Sijnen wech heeft hy laeten weten terstondt,
Moysi, en oock zijns herten grondt,
Heeft hy Israel laten mercken,
Op dat hy soud doen goede wercken:
De Heer die is oock seer bermhertich,
Goedertieren, ende lanckmoedich,
Allen zijnen haet, en die gramschap zijn,
Die wy verdient hadden die stuyft wech fijn:
Hy en handelt oock niet, nae onse sonden.
So hooch den Hemel bouen deerd staet,
Veel meer hy zijn ghenade dalen laet,
Ouer die ghene so hem vreesen,
En hy wilt hun misdaet ghenesen:
Glijck een vader goedertieren seer,
Hem houdt teghen zijne kindren teer,
Also ontfermt de Heere,
| |
[Folio 137r]
| |
Ouer die soo hem bekeeren:
Hoe flau dat my zijn, dat weet hy al,
En dat wy maer stof zijn altemael,
Glijck Ghers so is smenschen leuen,
Glijck een bloem die op tvelt bloeyt euen,
Die vanden windt wordt wech gheblasen.
Maer de gnad en goedertierenheyt,
Des Heeren, die duert in eewicheyt,
Ouer die gheen die hem vreesen,
En zijn verbondt houden ghepreesen:
Sijn rechtuaerdicheyt die is op kindts kindt,
Die nae zijnen Wedt leeft, en dien bemindt,
Sheeren stoel is int hemelrijcke:
Hy regneert ouer tgheheel aerdtrijcke:
Ghy Enghelen, en oock ghy stercke held,
En alle herrscharn inde werelt,
Oock zijn knecht die zijnen wille doet,
Alle zijn wercken loeft den Heer goet:
En danckt den Heer ghy mijn Siele.
Eer sy den Vader, en den Son. etcetera. 4.
|
|