Een hantboecxken inhoudende den heelen Psalter des H. propheete Dauid


Psalm. XCV. Venite exultemus Domino. Is een Prophecije van het rijck Christi.
Op den naeuolghenden thoon. Kompt doch hier by,
[Folio 128v]
Sijt alle gader bly, En met iolijdt singt den Heere: Want Godt onse is, En zijn salicheyt gwis, Laet ons met danck iubileeren, Met soeten thoon, En Psalmen schoon, Synen lof altijts vermeeren. Want Godt de Heer, Vol alder eer, Is der Goden Coninck oueral: Want zijne handt gendt,
[Folio 129r]
Die ist al bekendt, Wat het aerdtrijck voorts brenghen sal: En die berghen hooch, Die Zee, en die droocht, Tzijn doch zijn wercken altemael. Daerom comt nu al, Doet eenen voetval, En wilt knielen voor den Heere: Die ons ghemaeckt heeft, Van niet, al watter leeft, Hy maeckt dat zijn volck hun gheneeren: Bermhertich is hy, Tot allen tijd, Laet ons nu tot hem keeren. Als ghy heden hoort, Sijn stem, en woort, Dan verhert niet uwe herten: Glijckt gheschieden claer, Te Messa voorwaer, Al daer my u vaders met smerten, Tempteerden seer: En dolende meer, Laeyden sy op hun pijn, en smerten. Ick hebbe voorwaer, Ghehadt veertich iaer, Met dit volck moeyte, en arbeydt, Ick sprack met bedien, Het zijn doch lien: Diens hert tot dwalinghe so gheneycht,
[Folio 129v]
Daerom sweer ick hen, Met toornigher stem, Mijn ruste en is hun niet bereyt.