Een hantboecxken inhoudende den heelen Psalter des H. propheete Dauid

Psalm. XXIX. Afferte Domino filij dei.

Is eene Prophecije hoe dat Christus door syn Euangelie ouer de gheheele werelt regieren, ghetier maken, ende alle tghene dat hem tegen is, in stucken breeken, ende dat hy die heylige Doope insetten sal.

Op de wijse vanden II. Psalm.

Gheeft den Heere zijn eer, en macht,
Ghy Princen, en machtighe Heeren:
Dalmachticheyt des Heeren hooch acht,
In ciraet aenbidt hem seere:
Den watren ghebiedt hy wat hy wil,
Hy dondert, en blixemt, luy, en stil,
En die Zee, die regiert hy.

Des Heeren woort heeft macht, en cracht,

Den Ceder: breeckt zijn stemme:
Hy doet die in Libans, oock met macht,

[fol. 51r]

 

Opspinghen, door synen grimme:

 

Oock springhen de berghen Sirioen,

 

Ghelijck dEenhorens, en Calueren doen,

 

Sijn stem clieft vierighe vlammen.

 

 

 

Dies verwondert haer Kades Woestijn,

 

Sijn stem die maeckt flau de Hinden:

 

Sy ontbloodt Velden, en Bosschen fijn,

 

Sijn Eer soudmen vercondghen,

 

Den plasreghen de Heere stilt,

 

Een eewich Concinck hy blijuen wilt,

 

Hy gheft salicheyt, en vrede.

 

 

 

Eer sy den Vader en den Soon, etcetera. 1.