Een hantboecxken inhoudende den heelen Psalter des H. propheete Dauid


Psalm. XV. Domine quis habitabit in tabernaculo. Is eene vermaninghe om een Godtsalich leuen te leyden, ende dat Godt synen seeghen ende ghebenedijen daer toe gheuen wille.
Op de wijse. Ach Gott wie lang vergistu mein. Of op den XIII. Psalm. of op dnavolgende melodie. O Heer wie sal in uwen Troon? Eewelijck woonen met lusten? Op uwen heylighen berghe schoon? Wie sal daer hebben zijn ruste?
[Folio 15r]
Die sonder smette zijn leuen leydt: Die recht doet, en spreeckt de waerheyt, Waerachtich met zijn herte. En die gheen valsche tong en heeft, Om synen naesten te bedrieghen: Tot achterclap hem niet en begheeft, Tot spotten noch tot lieghen, Die darghe Schalcken gheheel veracht, Die de vroomen oock seer groot maeckt, Die Godt den Heere vreesen. Die synen naesten, ghetrouwe is, Hem niet en bedriecht met sweeren, Gheen Woecker van hem begheert ghewis, Noch hem zijn handen laet smeeren: Wie dese dinghen, oprechtelijck doet, Die blijft onder Godts bescherming goet, Met Godt sal hy regneeren. Eer sy den Vader en den Soon. etcetera. 1.