Grimbergse oorlog

(1852-1854)–Anoniem Grimbergse oorlog– rechtenstatus


[vs. 1376-1723]aant. Jeghen die Grimberchsche heren. Daer quam voirt met groter eren Die here gereden van Wesemale, Die maerscalc was altemale 1380.[regelnummer] Van den here van Brabant; 't Volc ginc hi al te hant
[pagina 67]
Beracken, bestieren tien tiden,aant.aant. Ende wijsde hem hoe si souden striden. Daerna maecte hi scaren neghene: D'ierste gaf hi te beweghene Van Diest, van Assche, van Bierbeke, Ende van Wemle in haer gereke; Ende in hare scare, wet wale, Was selve die here van Wesemale. 1390.[regelnummer] D'ander scare, als ic u leere, Gaf hi van Arscot den here; Die derde scare gaf hi Van Hoerne den here vri. Die vierde den here van Edinghen; Die vijfde, in waren dinghen, Van Gaesbeke den heren beide. Die .vi^e. gaf hi in synen gheleide Van den Roes, heer Geraerde.Ga naar voetnoot1398 Die .vii^e. gaf hi, in deser vaerde, 1400.[regelnummer] Te geleidene den grave van Namen; De achtste scare hadde te samen
[pagina 68]
T'achterwaerne de grave van Loen, Die bystaen woude sonder hoen Van Brabant den jongen hertoghe. Die .ix. scare in dit orloghe Hadde van Oudenarde die here, Ende met hem, die prijs ende ere Verdiende wale voirt an, Dat was van Gavere mijn heer Jan, 1410.[regelnummer] Die here van Gistele heer Diderijc, Ende van Nevele, ende diesgelijc Van Rode die here ende van Masmijn, Ende van Axele die here fijn, Ende van Scorsse, heb ic vernomen.Ga naar voetnoot1414 Dese acht baenroetsen waren comen Uit Vlaenderen, want sy hier aveGa naar voetnoot1416 Ghesent waren van den grave Met .DCC. platen voorwair Tot hulpe des hertogen dair,Ga naar voetnoot1419 1420.[regelnummer] Wel gewapent, doe ic u weten, Op stercke orsse opgeseten, Groet van leden; ende tier uren Verdect met rikeliken covertueren.
[pagina 69]
Wel .xxv^c. man so waren In elc van den anderen scaren, Gewapent met helmen, met scilden, Die hem des daigs also hilden, Dat sy ontfingen prijs ende ere, Dies men vergeet nemmermere.Ga naar voetnoot1429 1430.[regelnummer] Alse die geledene gescaert Waren, ginc men ter vaert Scaren alle die voetliede, Diere wel, als ik u bediede, X dusent was ochte mere. Oic gaf men hem enen lantshere,aant. Die vrome was ende coene, Wair ridderscap was te doene.Ga naar voetnoot1437 Hy hiet heer Jan van Haspegouwe,Ga naar voetnoot1438 Die gewapent was in goeder trouweGa naar voetnoot1439 1440.[regelnummer] Van sable met ere duven wit Van goude ghecroont, verstaet dit. Desen man was bevolen al Dat voetvolc, groot ende smal, Dat hy 't soude achterwaren.Ga naar voetnoot1444 Doen beval men sonder sparen
[pagina 70]
Den standaert den here van Craynhem, Die sijn maighe hadde by hem Optien dach ten selven stride, Dies hi was herde blide. 1450.[regelnummer] Den standaert nam hi t'achterwaerne, Ende sijn leven niet te spaerne. Alse die here van Wesemale Dat volc hadde gescaert wale, Dede hi halen, sonder liegen, Den jongen hertoge metter wiegen, Ende hangen, des sijt goem,aant. Aen enen groten wilgenboom, Soe dat menne sach in 't ander heere, Die hem stelden sere ter were, 1460.[regelnummer] Also ic u sal seggen te hant. Alse dat here van Brabant Al gereet waren ende gescaert, Tegen sy henen wel bewaert,aant. D'een schare voor, d'ander naer,Ga naar voetnoot1464 Te dien van Grimbergen waert aldaer, Met groten geruchte gesinnichlike, Ende met staden wiselike.
[pagina 71]
Van hem laet ic die tale bliven; Ende hoort nu wat bedriven 1470.[regelnummer] Die van Grimbergen, ende hoe si voeren. Des morgens vroech wert in roeren Dat here van Grimberghen al te male, Ende vingen ten wapenen, wet wale,Ga naar voetnoot1473 Arme ende rijcke, dat daer was; Daer wert gheblasen, sijt seker das, Menighe trompe, menighen horen; Daer wert menich ors vercoren,aant. Ghesadelt ende gedect waleGa naar voetnoot1478 Met samite ende met sindale; 1480.[regelnummer] Menich baniere wert daer ontwonden,Ga naar voetnoot1480 En menich helm op 't hooft gebonden, En menich sweert gegort aen side, Dat ontwee brac in den stride. Alsi gewapent waren al, Saten sy op, groot ende smal, Ende daden al te hopen houden.Ga naar voetnoot1486 Die banieren daden si ontvouden, Als te stridene op dat stat.aant. Doen quam gevaren na dat
[pagina 72]
1490.[regelnummer] Van Grimbergen heer Arnout Met sine sonen sterc ende stout, Ende voeren die luden bestieren. Daerna ginc oic visieren Heer Wouter Berthout sijn scaren, Ende maecter .viij., sonder sparen, Sonder 't volc dat was te voet. In elc scare, des sijt vroet, Waren twee dusent man, wale Gewapent met ysere ende met stale. 1500.[regelnummer] D'ierste scare wel ten harnassche Gaf hi her Gerarde van Assche; D'ander scare gaf hi te hant Den here van Keple uit Gelderlant. Die derde scare gaf hi Den here te leidene van Bosi. Van Cochi die here voirwaer Hadde die vierde scare daer; Van Moy die here uit Artoys Leide met menigen Francoys
[pagina 73]
1510.[regelnummer] Die vijfde scare, ende dair na Die .vi^e. die here van Breda. Die .vii^e. gaf men voirt ane Te geleidene den here van Viane; Die .viij^e. gaf hi houde Sinen vader her Arnoude, Ende heer Gerart sinen broeder met, Ende hem selven, dat wet. Den standaert beval hi met love Her Paridaen van Massenhove, 1520.[regelnummer] Ende her Gerarde sijn oom van Liere, Ende daertoe twee knapen fiere; D'eene hiet Jan van den Dale, D'ander Geeraert, wet wale, Van der Biest, een vrom man. Desen vieren wert voirt anGa naar voetnoot1525 Bevolen die standaert op haer ere, Des si blide waren herde sere, Omdat men hem dede die ere groot, Ende dat groote voordeel boot. 1530.[regelnummer] Hierna her Wouter Berthout Scaerde 't voetvolc, jonc ende out.
[pagina 74]
In elke scare waren wel Vijf dusent man rasch ende snel, Wel gewapent, willich ten stride. Elcker scare gaf men tien tideGa naar voetnoot1535 Enen goeden leytsman dair, Stout ende vrome al openbaer; D'eene was van Beyghem heer Alaert, D'ander was een ridder vermaert,Ga naar voetnoot1539 1540.[regelnummer] Van Eppeghem her Paridaen, Een baenrots, doe ic u verstaen, Van Grimberghen ende een vroom here,Ga naar voetnoot1542 Ende al sijn maghen, minder ende mere, Waren oic gescaert met hem, Diere vele was, als ic vernem. Ende als 't volc wide ende side Wel ghescaert was ten stride, Ende wel ghewapent onder sijn baniere,Ga naar voetnoot1548 Doen beval heer Wouter sciere 1550.[regelnummer] Sinen vader in hoeden Tween vromen ridderen ende goeden, (D'een was van den Male heer Segerman, D'ander was van Calmont mijn heer Jan):
[pagina 75]
's Daighs te wesen by sire siden, Ende te behoedene in den stride. Hem selven beval hi sekerlike Van Oyenbrugge her Heinricke, Ende van den Male heer Symoene, Mijns heren Seghermans soene. 1560.[regelnummer] Twee ridderen van grooter waerdeGa naar voetnoot1560 Beval hi sinen broeder Gerarde, Den jongen ridder stout ende fier: D'een was Van Damme heer Gaultier, D'ander was heer Willem Tant, Een stout rudder, sy u becant, Ende geduerich in allen stride.Ga naar voetnoot1566 Men bat daerna in corten tide Her Godevaerde Screyhane Dat hi woude riden dane, 1570.[regelnummer] Ende overslaen der Brabanders scaren,Ga naar voetnoot1571 Ende sien of sy ghereet waren,Ga naar voetnoot1572 Ende hoe vele datter sijn Mochte harer liede ende ridders fijn. Hi doet geerne, ende voer derwaert, Ende oversloech 't heer ongespaert,
[pagina 76]
Soe hi alderbeste can; Oec was een ander waersman Uter Brabanders heer gesent, Die die van Grimbergen al omtrent 1580.[regelnummer] Oversloech verre ende naer, Ende die hiet heer Gosen van Pollair. Elc keerde ten sinen weder, Ende vertelde op ende neder Hoe vele dat hem dochte Dat der vianden wesen mochte; Ende elc here die geboet Vore te trecken sijn conroet Met gemake wiselike, Ende dat sy streden vromelike: 1590.[regelnummer] Men soudse rike maken gemeene.Ga naar voetnoot1590 Doen riepen si, groot ende cleene: ‘Wy selen vechten also sere Dat wy behouden selen d'ere.’ Hierna trocken sy sonder sparen, Also sy gescaert waren,
[pagina 77]
Den Grimberchsen nog bat ane, Ende heer Godevaert Screyhane Quam te sinen here her Arnoude, Ende vertelde hem also houde 1600.[regelnummer] Dat die Brabanders tier steden Wel gewapent, wel gereden Quamen. ‘Oic dunct mijn in schijn Haers volcs wel twintich dusent sijn, Ende hebben .ix. scaren groot; Te voet esser een conroet Beide met staven ende met piken; Men machse t' onswert nu sien striken, Sy hebben nu teser orlogheaant. Doen halen den jongen hertoghe, 1610.[regelnummer] Ende hebbene, sonder lieghen,Ga naar voetnoot1610 Aen eenen boom al metter wieghen Doen hangen, dat wet wale;Ga naar voetnoot1612 Hadden wy ons aen her Arnouts tale Van Oyenbrugge ende aen sinen raet Lange gehouden, dat verstaet,Ga naar voetnoot1615
[pagina 78]
Wy hadden lettel deser onraste Te doene, ende deser orloghe vaste, Daer wy nu ane sijn comen. Noch sou 't ons, wanic, meer vromen, 1620.[regelnummer] Dat wy om den pays nu spraken, Ende dat orloghe algader verbraken,Ga naar voetnoot1621 Ende wie andere meest mesdaen Hadde, dat hy 't beterde saen By vonnesse der baroene, Ende hierop maecte vaste soene, Ende bleven gevrienden voirt mere;Ga naar voetnoot1626 Want ick segge u, lieve here,Ga naar voetnoot1627 Dat wy den hertoghe doen onrecht; Ende comen wy in dit gevechtGa naar voetnoot1629 1630.[regelnummer] Jegen d'ander nu ten stride, Het sal gescien in wederside Jammer groot ende scade.’ Heer Arnout sprac: ‘Het's te spade;Ga naar voetnoot1633 Wy hebben te lange ghebeit hier met, En helpe nu niet, dat wet,Ga naar voetnoot1635 Dat wy hier of hilden sprake; Maer trecken wy voort met ghemake
[pagina 79]
Ten vianden wert sonder vaer,Ga naar voetnoot1638 Dat men ons verre noch naer 1640.[regelnummer] Hierna, over cort noch lanc, En singe genen quaden sanc Van blootheide, noch van vaere; Want die ghene, wet openbare,Ga naar voetnoot1643 Daer wy af comen sijn, Hebben gheweest ridderen fijn, Coene, werende ende milde, Goet van spere ende van scilde,Ga naar voetnoot1647 Ende die hem noyt t' ontsiene Plaghen ende om anxte te vliene, 1650.[regelnummer] Al waren si aen d'arger ende. Ic sal my selven oic gheen scende Doen, daer ic's my gewagten can; Socht ic peis ende soene voirt an Aen die heren ende genoete, Sy souden wanen, cleine ende groote, Dat ic't dade van verveertheden, Ende dat wy quamen van blootheden, Ende souden's vele te fierer wesen.Ga naar voetnoot1658 Wet die waerheit nu van desen,
[pagina 80]
1660.[regelnummer] Al schijn ic an d'arger boort, Ic wille emmer pleghen voort, Dat mijn voirders hebben geploghen,Ga naar voetnoot1662 Of ic segge u dat ongeloghen, Dat ic eer sterve in dien wille,Ga naar voetnoot1664 Eer icker uytgae lude of stille.’Ga naar voetnoot1665 Doen sprac hi t' sinen lude dair: ‘Ghy heren, sijt sonder vaer, Ende en versaegt u niet des, Datter ander hoop meer es; 1670.[regelnummer] Want sy sijn van verre comen, Ende sijn vremde, hebbe ic vernomen, Malckanderen; dat en sijn wy nie,Ga naar voetnoot1672 Wy sijn alle hier, hoe 't ons ghescie,Ga naar voetnoot1673 Maghe ende vriende uit enen lande, Ende wel bekent, dat wet te hande, Ende sijns andre te vriende vele. Ooc hebben sy ons te desen spele Versocht buten haren palen.Ga naar voetnoot1678 Ic weet wat vromen dat si halenaant. 1680.[regelnummer] Aen ons selen hier op 't velt; Want men in proverbien telt:
[pagina 81]
Die hont es coender vele, seldi weten, Die op sijn messie is geseten, Dan enige andere vremde sijn. Dies vertroest u, vrienden mijn, Ende strijt so vromelike, Dat wy dese heren rijcke T'harer lachter met oneren Derde werf doen keren, 1690.[regelnummer] Alsoe wy twee werven hebben gedaen. Want eyst dat wy t' onder gaen, En wy den strijt verliesen nu, Wy werden eyghen, des hoet u,Ga naar voetnoot1693 Ende selen moeten te haren gebode Staen, dat ic soude doen node Den tijt dat ic ben levende man. Ende verwinnen wy mede voertan Desen strijt, wy werden te hant Alle heren in Brabant; 1700.[regelnummer] Dies vecht met stouten moede.’ Doen riepen domme ende vroede: ‘Vairt voirt, her Arnout, Die duvel hebbe sijns ghewout,Ga naar voetnoot1703
[pagina 82]
Die u lieden sal begeven, Die wile dat hi mogte leven,Ga naar voetnoot1705 Hine sal u bystaen totter doot, Ende slaen slagen groot,Ga naar voetnoot1707 Dies hem die viande selen ontsien.’ Men geboot cort na dien 1710.[regelnummer] Dat elc here voert sal varen Sonder letten met sire scaren Den vianden in haer ghemoet. Doen porde 't here, des sijt vroet,Ga naar voetnoot1713 Ende reden, als ic versta,Ga naar voetnoot1714 Ten vianden op een scoetmael na. Daer ontbeiden sy te samen Den anderen, die achter quamen. Als die Brabanders hebben vernomen So coenlic die vianden comen 1720.[regelnummer] Gescaert, gewapent, stout ende snel, En was daer niemant, dat wet wel, Hine was daer een deel of ontdaen,aant. Ende beiden haers geselscaps saen.	voetnoot1398 Dien heere van Roos, heere Geeraerde. Die .vii^e. schaere gaf hy te waerde Dien stouten heere, den grave van Namen. Die .viii^e. gaf hy alte saemen Den goeden heere, den grave van Loon, Die daer commen was met menighen baroen Ten hulpe des jonghen hertoghen. De .ix^e. schaere van dese oorloghe Gaf hy van Audenaerde dien stouten heere; Ende met hem, by mijnder eeren, Die heere van Gavere, mijn heere Jan, Ende die heere van Ghistele mede aen, Ende van Neele mijn heere Diederick, Ende die heere van Rode sekerlick, Ende oock die heere van Massemin. voetnoot1414 Insghelijx van Schorisse die vrome heere, Dat segghe ick u, by mijnder eere. voetnoot1416 Hebbe ick vernomen, ende hadde se ghesonden die grave daer. voetnoot1419 Wel ghewapent ende opgheseten Op groote orssen, doen ick u weten, Verdeckt met couverteuren heerlicke. Sy brachten menighen man te lijcke Eer die dach ten avende quam. Sy hadden menighen helt loefsaem, Die des daeghs seere street; Elck van den anderen schaeren, God weet, Hadden nu .xxv. hondert man, Wel ghereden met plaeten aen, Beyde met helme ende met schilde, Die hem daeghs alsoo hilden. voetnoot1429 Die vergheten weert nummermeere. Doen die gheredene waeren gheschaert, Ginck men schaeren onghespaert Die voetlieden, dat segghe ick u, Alle in eene schaere, verstaet my nu, Die wel thien duusent was ende meere, Ende gaf men hem eenen leytsheere. voetnoot1437 Waer dat. voetnoot1438 Ende hiet. voetnoot1439 Hy was ghewapent in goeder trouwe Van sable met eenre duyve wit. voetnoot1444 Dat hy 't achterwaeren soude. Hierna weert bevolen boude Dien heere van Craynhem met syne maeghen Dat hy den standaert soude draeghen, Op dien dach te dyen stryde, Dies so was hy herde blyde, ende seyde hy sout gheerne doen; Ende als van Wesemael die baroen Wel gheschaert hadde alle die lieden, Dedi halen, alsoo ick bediede, Den jonghen hertoghe haestelijck Met vele lieden sekerlijck, Diene brachten, sonder lieghen. Doen deden hy hanghen metter wyeghen, So dat men daer brochte, neemt goom. Aen eenen grooten wulghenboom, Soo dat men sach in dander herre, Die hem seere ghereyden ter werre, Also ick u nu segghen sal; Nu hoort dan al over al. Doen die Brabanders waeren geschaert Toghen. voetnoot1464 Nae, Ten anderen weert, als ick verstae, Met goeden staden wijsselicke, Met grooten gheruchte sekerlicke. Nu laet ick van desen bliven, Ende wille van die van Grimberghen scriven Wat sy daeden. voetnoot1473 Ende deden hen wapenen, wet wale, Aerme ende rijcke en al dat daer was. voetnoot1478 Overdeckt. voetnoot1480 Daer weert oock menighe banniere ontwonden, Ende menich helm op 't hoot ghebonden, Ende ghegort menich sweert, Dat dien daeghe in twee gheslaeghen weert, Ende als sy waeren ghewapent al. voetnoot1486 Ende voeren al te hoope houden, Ende deden die bannieren ontvouden Als te strydene op dier stat. Doen quam daer ghereden naer dat Van Grimberghen heer Aernoult Met syne sonen, die waeren stout, Ende met syne naeste maeghen, Ende ginck die lieden, hoor ick saghen, Berechten, wysen ende bestieren. Daer naer ginck, sonder vieren, Heer Wouter Berthout saen Alle die lieden sonder waen, Schaeren herde wijsselijcke Ende maeckte acht schaeren sekerlijcke, Sonder die waeren te voet. Ende in elck schaere was, sijt vroet, Een duusent mannen ghewapent wale. D'eerste gaf hy, sonder hale, Den heere van Assche, heer Geeraerde, D'ander gaf hy met grooter weerde Den heere van Keppelle uyt Gelderland; Die derde gaf hy, sy u becant, Dien heere van Bosi uyt Henegouwe; Die vierde gaf hy in goeder trouwen Dien vromen heere van Couchy; Die .v^e. gaf hy, gheloves my, Dien heere van Moy uyt Arthois, Die daer quam met menighen Franchois Den heere te hulpe van Grimberghen; Die .vi^e. gaf hy sonder verberghen Den goeden heere van Breda; De .vii^e. gaf hy, als ick verstae, Den stouten grave van Vianden; Die achtste gaf hy te hande Van Grimbergen heere Aernoude Synen vaedre met ghewoude. Oock schaerde hy met hem heere Geeraerde Synen broedre met grooter weerden Ende hem selven daer oock met. Hiernae beval hy, dat wet, T'achterwaerne den standaert Heer Paridaen, eenen ruddere waert, Die men van Massenhove hiet, Ende met hem, en lieghe u niet, Synen oem, heer Geeraert van Liere. voetnoot1525 Desen vieren weert bevolen dan Den standaert te houdene op haere eere, Dies sy blyde waeren seere Om dat men hen die eere dede. Daernae schaerdi op die stede, Mijn heere Woultre, die voetlieden In twee schaeren, als ick bediede. In elcke schaere was, wet wel, Vijf duysent mannen rasch ende snel. voetnoot1535 Ende elcker schaere te dien tyde Gaf hy eenen leytsman daer, Die vrom ende stout was voorwaer. voetnoot1539 Een edel baenrotse ende een waert Ende al sijn maeschap met hemme; D'ander was, als ick verneme, Van Heppeghem mijn heere Paridaen. voetnoot1542 Ende een vrome heere, Ende alle syne maeghen min no meere Waeren oock gheschaert met hem, Dier vele was, ick seker bem, Ende als al 't volck wyde ende syde. voetnoot1548 Ende elck hielt onder syne banniere Wel ghewapent, beval hy schiere Synen vaedre te nemen in hoeden Twee vromen ridderen, wilt ghevroeden; D'eene was heer Seghere van der Maele; D'ander was, dat wet wale, Myn heere Jan van Caelmont, Dat syne souden, sy u cont, Des dachs behouden in den stryde; Hem selven beval hy te dien tyde T'achterwaerne heer Hendricke Van Oyenbrugghe sekerlijcke. voetnoot1560 Oock beval hy met grooter waerde T'achterwaerne heer Geeraerde Synen broedere, twee ruddren fier. voetnoot1566 Ende ghedeurich in bataille. Hierna weert, sonder faille, Ghebeden heer Godevaert Screyhane. voetnoot1571 Ofte. voetnoot1572 Ende ofte daer lieden waeren vele. Doen antwoorde sonder helen Dat hy dat gheerne soude doen. Doen sloech met spooren de baroen, Ende reet ten anderen heere waert, Ende oversloech onghespaert So hy alderbest mochte; Oock so was [hy] sonder gherochte Uyt den Brabander herre ghesent Een waertsman, sy u bekent, Hiet heer Gosen van Pollaere, Ende oversloech verre ende naere Die heeren van Grimberghen, segghe ick u. Daernae keerdy weder nu Aen den Brabanderen heeren saen, Ende den heeren dede hy verstaen Hoe vele de andere mochten sijn. Hiernae gheboden die heeren fijn, Als sy die maeren hadden ghehoort, Dat sy wijsselijcke toghen voort Den anderen waert met ghemake, D'een schaere nae d'andere in wacren saeken. voetnoot1590 Men soude se alle maeken rijcke, Die uyt den stryde levende ontginghen, Ende wonnen sy oock eenighe dinghen Dat sy 't hilden, groot ende cleene. Doen riepen sy alle ghemeene: ‘Wy sullen vechten alsoo seere, Dat wy sullen's hebben eere Soe langhe als die weerelt steet. Daernae toghen sy henen ghereet Ten vianden weert, segghe ick u. Hier laete ick van hem staen nu, Ende segghe van Screyhanen heer Godevaerde, Die wederkeerde met grooter waerde, Doen hy die herre hadde oversien, Ende quam tot synen heere met dien, Mijn heere Aernoult van Grimberghen, Ende seyde tot hem sonder bergen: ‘Heere, ick comme van ghenen herre, Dat heerwaert compt met grooten gheere, Wel ghewapent ende wel ghereden, Ende heb 't al ghesien by waerheden; Het mach wel .xx^m. mannen sijn, My ne bedrieghe dat waenen mijn, Ende sijn ghescaert in .ix. schaeren. Oock commen daer lieden te waeren Eenen grooten hoop te voet, Daer esser, alsoo my dreecht mijn moet Thien duusent, ofte alsoo vele. Sy hebben oock al sonder hele Doen haelen. voetnoot1610 Doen hanghen hooghe. voetnoot1612 Oock mach menre sien sonder lieghen Aen den boom hanghen van hier. Hadden wy ons sonder dangier Ghehouden langhe aen die taele Van heer Aernoult, wet wale. voetnoot1615 Wy hadden luttel te doene, verstaet, Met deser grooter onraste Ende met die oorloghe, daer wy vaste Inne ligghen, dat segghe ick u nu; Noch soude raeden, dochte goet u. voetnoot1621 Ende die oorloghe daermede braken, Ende die den anderen yet schuldich waere Dat hy hem geliefde daer naere, Ende die meest hadde misdaen Dat het hy beterde sonder waen, By vonnisse der hooghen baroenen. voetnoot1626 Goede vrienden. voetnoot1627 Segghe u dat. voetnoot1629 Ende commen wy nu in 't ghevecht Jeghen d'andere ende ten stryde, Daer sal gheschien in wedersyden, Dat segghe ick u, jammer ende schade.’ voetnoot1633 Tes te spaede. voetnoot1635 Ende en hulpe u niet, dat wel wet, Dat wy hieromme hielden spraeke. voetnoot1638 Den vianden in haere ooghen, Ende doen alsoo ongheloghen Dat men van ons geenen quaden sanck En moghe singhen overlanck. voetnoot1643 Want ick segghe u over waere Dat ghene daer wy af commen sijn. voetnoot1647 Goet ten sperre ende ten schilde, Ende hem noyent en plaeghen t' ontsiene, Nochte in anxt oock te vliene Al waeren sy ane d'arger eynde, Ende en sal my selven oock niet schinden Doen, daer ick my 's ghewachten can. Sochte ick nu soene, by Sint Jan, Aen die heeren ende die ghenooten. voetnoot1658 Ende souden veele te fierer wesen. Ick wille u dat ter waerheyt lesen, Al scinckt nu aen arger boordt. voetnoot1662 Dat myne voorders hebben gheploghen, Ofte, ick segghe. voetnoot1664 Dat ick sterve. voetnoot1665 Eer ick derwaert gae luyde ofte stille,’ Hy sprack tot synen lieden daernaer, Ende seyde: ‘Ghy heeren, sijt sonder vaer, Ende en ontsiet u niet des Dat der anderen meer es; Want. voetnoot1672 Mallec anderen. voetnoot1673 Want wy sijn alle, wats gheschiet, Vrienden ende maeghen nyt eenen lande, Ende wel bekent, weet te hande, Ende sijns elcanderen. voetnoot1678 Verre versocht in ons lant Buyten haeren paelen, sijt becant, Dies wy te coenre moghen zijn; Men segt oock dicwels dit proverbekin: ‘Als die hont es op syne messye, Soe es hy te coenre, als ick lye, Ende willes oock te beter sijn.’ Daeromme bidde ick u, vrienden mijn, Dat ghy strijt so vromelijcke, Dat wy moghen dese heeren rijcke Tot haeren lachtere weder doen keeren, Ghelijck wy hebben, met grooter eeren, Hier voormaels tweewerf ghedaen. voetnoot1693 Wy werden al eyghen, segghe ick u, Ende moeten staen tot haeren ghebode, Dat ick noode soude doen, by Gode, Den tijt dat ick levende waere. Moghen wy den strijt openbaere Op die Brabanders nu winnen, Wy weerden noch heeren, doe ick u kinnen, Van den lande ghemeenlijcke, Dat Brabant toebehoort sekerlijcke; Daeromme vecht alle met stouten moede.’ Doen riepen sy alle vromme ende vroede: Vaert voorwaert, heem Aernoult. voetnoot1703 Hebs. voetnoot1705 Dat hy mach. voetnoot1707 Ende die slaeghen slaen so groot, Dat hen die vianden sullen ontsien. Hier naer weert gheboden met dyen Dat elck heere voorewaert rede Met syne schaeren, dat's waerhede. voetnoot1713 Doen porden die heeren. voetnoot1714 Ten vianden weert met staden, Ende voeren henen met liever laden, D'een schaere voore ende d'andere nae Tot dat sy quaemen, als ick verstae, Den anderen in een schutmael by. Doen bleven sy houdende, segghe ick dy, Ende beyden den anderen die achter quaemen, Ende doen die Brabanders vernamen Die vianden so coenelick commen Ende so wel, hebbe ick vernomen, Gheschaert, ghewapent ende bereet; En was daer nietmant, God weet, Hy was een deel te varenteert, Ende hilden oock stille, als men my leert, Ende ontbeiden den anderen daer; Dat segghe ick u al over waer. Dit was op Onser Vrouwendach, Die in midden den ouste lach, Dat die lieden sijn allegader blyde Van den lievelijcken tyde Dat 't cooren.

Vorige Volgende

[vs. 1376-1723]aant.