De gheestelycke vryagie
(1624)–Anoniem Gheestelycke vryagie, De–
Auteursrechtvrij
[pagina 67]
| |
Den Bruydegom spreeckt hier de Bruydt aen.
Aenhoort mijn lief, mijn vriendinne reyn,
Ick ben v Bruydegom sonder faelen,
VVt mijn schoon Rijck dat Hemels pleyn,
Quam ick van bouen hier neder daelen,
Om te ghenesen alle v quaelen,
Kom ick v soecken mijn liefste graen,
Om met mijn liefde v te doorstraelen
Kom ick v vriendelijck spreken aen.
| |
De Bruydt antwoort.
VVie zyt ghy Bruydegom delicaet,
Die my begheert dus tot v te trecken,
Ick ben een Dochter van kleynen staet,
Seer onbequaem besmet met vlecken,
V soete woorden my wel verwecken,
Maer siet ick schaem my voor v aenschyn,
VVoudt ghy vercieren myn naecktheyt decken.
Ick sou soo gheeren v dienstmaecht zijn.
| |
Den Bruydegom spreeckt.
Ick ben een Coninck ghebenedijt,
Een Heer van Hemel en Aerden:
Hoe ghy klijnder in v seluen zijt,
Hoe ick v veel lieuer sal aenvaerden,
| |
[pagina 68]
| |
Daerom soo laet my met v gheweerden,
VVilt met my maken een vast verbondt:
Ghy zyt mijn liefste die ick begheerden,
Blyft ghy oodtmoedich in uvven grondt.
| |
De Bruydt antwoort.
Zijt ghy een Coninck soo groot vermeert,
Edel en machtich seer hooch ghepresen,
VVaerom ist dat ghy dan een begheert
Soo slechteu dochter als ick midts desen?
Ick ben niet vveerdich v Bruydt te vvesen,
O schoone Bruydegom groot van lof:
Laet my een van v dienstmaechden vvesen,
De minste in vvs Vaders Hof.
| |
Den Bruydegom spreekt.
Ick ben almachtich hoort mijn bedien,
Ick vvoon in't hoochste vveet dit certeyne,
Maer altydt heb ick seer aenghesien
Die in haer seluen zijn slecht en kleene:
Dus vveest ootmoedich van herten reene,
Met groot betrouvven soo hoopt in my:
In myn schoone Rijcke dat Hemelsch pleyne
Sult ghy groot vvesen, en van herten bly.
| |
De Bruydt antwoort.
O rijcken Coninck en gheuer mildt,
Naer v hebbe ick alsoo grooten verlanghen:
| |
[pagina 69]
| |
Ist dat ghy v gheweerdighen wilt,
My voor v dienstmaecht te ontfanghen,
Ick sal v dienen, vier ick aenhanghen,
Alle mijn daghen beminnen seer:
Ick sal v prysen met soete sanghen
Myn lieue Bruydegom Godt en Heer.
| |
Den Bruydegom spreeckt.
Ben ick v lieue Bruydegom sijn,
Soo moet ghy my dan alleen aenkleuen:
Ick sal v goedt en ghetrouwe zijn,
VVilt my wt liefden v trouwe gheuen:
Siet mijnen naeme sal zyn gheschreuen
In v voorhooft schoon en suyuerlijck:
Met vreuchden sult ghy altoos leuen
Hier bouen in mijns Vaders Ryck.
| |
De Bruydt antwoort.Hoort soete Bruodegom myn beduyt,
Ist dat v hoocheyt hem wilt verneren,
My te ontfanghen voor v Bruydt,
Ick wil seer gheeren v accepteren,
En uwen wille obedieren
Altoos te leuen naer uwen raedt,
V goetheyt mach ick seer wel lauderen,
Dat ghy my begheert tot soo grooten staet.
| |
[pagina 70]
| |
Den Bruydegom spreeckt.
Siet ick begheer te woonen gherust,
In die reyn suyuere herten teere,
Nae die ootmoedighe heb ick lust,
Om haer te brenghen tot grootere ere,
Dus wilt my dienen beminnen seere,
VVeest altoos danckbaer mijn liefste soet,
Soo sal ick v noch beschincken meere
Met veel schoone giften en gauen goedt.
| |
De Bruydt antwoort.
O Princelijcke Bruydegom fier,
V sal ick dancken tot allen tyden,
Voor alle menschen ter werelt hier,
Sal ick v groote goetheydt belyden,
VVilt my beschermen aen allen zyden,
Gheeft my te leuen naer v gherief,
V sal ick louen ghebenedyden,
Ghy zijt alleen mijn liefste lief.
| |
Den Bruydegom spreeckt.
Comt myn vriendinne wilt met my gaen,
In mijnen Boomgaert seer schoon van binnen,
Eet van die vruchten die daer in staen,
Soo sult ghy my noch meer beminnen,
V ziel en lichaem, v hert en sinnen
Sullen verheughen van dese spijs,
Een schoone kroone sult ghy oock winnen,
In mijn schoon Hemels Paradijs.
|
|