Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Hoe Ferdinandus Eertshertoghe van Oostenrijck tot coninc van Bemen ghecoren wart.

Ende waer vrou Marie Coninghinne van Vngaren voor den Vngaren ende Turcken tot dier tijt onthouden wart, met warachteghen gront. Hoe die Turck dat voorleden.xxvi.iaer int lant van Vngaren gheleeft heeft. Ooc hoe die coninck van Vngaren doot gheuonden wart. item hoe die Turck die stadt Osen, ooc veel ander steden ende landen in Vngaren ghewonnen, naer sijnen wille ghebruyct. Ooc hoe graef Christoffel griecx Weesenburch wederomme inghenomen heeft.

¶ Dat.x.Capittel.

Nae dat die gruwelicke, ende tyrannissche Turck, sijne woedende tyrannye so gheheel barnende ende dorstich vp die christenen ghekeert, ende sijnen aenslach tot dier meeninghe ghemaect heeft die christenen tot niet te doene, oock onder sijn regement ende ghewalt te brenghen, hoewel dat dit selue by ons christen seer cleene ende voor spot gheacht wort, so ist nochtans kenlic ende warachtich, hoe dat van dier tijt af als des conincx Godefroed van Billion.die voorseyde Turck der Christenheyt af heeft ghedrongen vele lants betuecht ons die grote menichte der landen ende steden van Orienten, hoe wel buyten der christenheyt, nochtans den scriftgheleerden wel kenlic es, dye om der cortheyt wil hier gheswegen worden. Ooc dye voorseyde Turck der Christenheyt onlancx swaerlic ouerleghen es gheweest, niet alleen om der groter schaden die die ghemeen Christenheyt door sijn rasende tyrannye ontfanghen int Conincrijck van Vngaren, Bemen, int conincrijck van Polen, inder Mulda Littaw, Crabaten, Rodis, welc die alder vaste poorten der zee, slotel Europa ende der Christenheit sijn geweest. Maer noch toecomstich te besorghen es die machtichste landen ende steden, welc nv aen die Turcsche frontieren ghelegen sijn, als Apulia, Sicilia, Neapels Italia, Romen, Lombardien etc. Oostenrijc Steur, Keruten, Merhem, Schlesi, Meyssen etc. ooc die cans onuersiens versien moch

[fol. xxix.r]

ten daer om als sware treffelicke saken der Christenheyt niet cleyne es te achten. Want die voorseyde tyrannye die die Turck ghedaen heeft ende noch doet, lacen aen velen houcken ende claghelic beuonden wordt, welc groot iammer by allen christenen staten hertelic te aenmercken ende te bedenckene noot es.