Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Item vp den Nyeuauent.Anno.xcvi.]

Item vp den Nyeuauent.Anno.xcvi.so was te Brugge eerst begonnen te doene tsauents een schoon lof van Maria, met orghelen ende met sanghe in Sinte Saluators kercke, ende met schoonen lichte, beghinnende inden wintere

[fol. CC.lxxxiiij.r]

tsauents te.v.hueren, ende inden somere tusschen vijf ende sessen. Ende es ghefondeirt eewelick ende erffelick gheduerende bi heer Michiel van Hille, gheseyt van Male poortere ende lakensnijdere binnen Brugghe, ende te sijnen ouerlijdene een vanden kercmeesters vander voorseyder kercke van sint Saluators. Requiescant in pace.

¶ Item vp den.viij.sten dach van Sporcle Anno.M.CCCC.ende.xcvi. doe seylde me ioncfrauwe Margriete, als bruyt van den Coninck van Spaengien huyt Zeelant met eender schoonder vlote van schepen, dye welcke vier maenden lanck hadde ghereet gheleghen beydende naer den wint, ende arriueerden met groter blijschepen sonder eeneghen wederstoot ontrent Paesschen.