Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp desen seluen tijt so warer vele lieden van wapenen]

Item vp desen seluen tijt so warer vele lieden van wapenen, te wetene fransoysen, ende ooc Bortoenen ontrent der stede van sint Omaers, ende hadden wel meeninghe die voorseyde stede in te nemene, maer God versacht want si quamen wel twee hueren spadere dan si ghecommen souden hebben, ende quamen alsoo te spade. Ende dye vander stadt wierdens gheware, waer of eeneghe vanden vpsetters van dien gheuanghen waren, ende corts daer naer gheiusticiert.

¶ In dye selue maent van Meye wast seer onghetijdich weder van groten watere ende winde, van dondere ende van blixeme, so dat also groot water was, alst in twintich iaer int lant gheweest hadde.