Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[fol. CC.lxxviij.r]

[Item den.xxix.sten in Decembre. Anno.xcij.]

Item den.xxix.sten in Decembre. Anno.xcij.so was den groten Raet van Brugghe vergadert ter cause vander kalioote, die welcke ghegaen hadde.ij.iaer, ende daer was begheert van die van der wet datmen dye kalioote noch soude laten gaen, midts dat die stede in grooten laste was. Vp twelcke verantwoort was ende ghesloten datmen die voorseyde kalioote soude laten gaen tot Lichtmesse naestcommende, ende datmen den twintichsten penninc die ter Sluys ghestelt was vp alle maniere van coopmanschepe, of doen soude, men soude dan doen al dat goede ondersaten schuldich sijn van doene.