Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.ij.sten dach van Lauwe]

Item vp den.ij.sten dach van Lauwe, soe ghebuerdet snachts ontrent den.xij.hueren, datter quamen.ij.mannen persoonen beselscheipt met vrauwen, tot eens priesters huys in dye oude burch in een cleen straetken, ende gherochten in sijn huys, ende quamen tot aen sijn bedde, nemende den priestere byder kele. Die priestere ontwaken worden besief dat dye voorseyde gheselle een mes in sijn hant hadde om hem die kele of te stekene, dye voorseyde priestere ontwranck hem tmes ende stack den seluen gheselle doot. Ende dit ghedaen sijnde dander vloden, maer eyndelick dye ghebuers wierdens gheware so varre dat sijn medegheselle gheuanghen wordt, ende des daechs daer naer was hi onthooft inden Burch vp een schauot, ende vp den seluen dach wasser noch een persoon onthooft, dye der lieden goten van loode ghestolen hadde in diueersche plaetsen, ende noch meer quade feyten dye hy ghedaen hadde.