Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den derden dach van Nouembre so was tgaernisoen vertrocken huyten Damme]

Item vp den derden dach van Nouembre so was tgaernisoen vertrocken huyten Damme, dye welcke seer qualicken huyt wilden, maer si moesten een laetsten vanden slotelen scheeden, ende si waren betaelt van alle achterstellen, ende die stede vanden Damme quam weder naer huer oude costume.

¶ Item vp den seluen dach soe ghinghen alle die poorten van Brugghe opene, dye welcke binnen twee Iaren nyet alle te samen opene gheweist en hadden. Ende alle dye Saudeniers vanden poorten waren gheslaect, ende tlandtsvolc dat in die stede al duere ghelegen hadde trac thuysewaert elck in tsijne.