Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item den.xxviij.sten in Septembre so trocken mijn heere van Nassauwen ende mijn heere van Symay ter Sluys by mijn heere van Rauesteyn]

Item den.xxviij.sten in Septembre so trocken mijn heere van Nassauwen ende mijn heere van Symay ter Sluys by mijn heere van Rauesteyn, vp meeninghe alle saken teenen goeden accoorde te brijnghene. Ende doe was een bestant ghemaect van.iij.daghen. Ende vp den seluen tijt so waren.vi.gedeputeirde ghesonden van die van Brugge aen den hertoge van Zassen omme te trecken ter Sluys bi mijn here van Rauesteyn om alle saken te paeyse te bringhene.

¶ Item vp den seluen tijt waren die Inghelschen die ter Mude laghen bespronghen by nachte van die vander Sluys, commende int heyr vanden Inghelschen wel.iiij^c. sterc sijnde schoten alle haer engienen huyte, waer of dat veel Inghelschen doot bleuen, ende daer was seere gheuochten eer dat si schieden, want die Inghelschen waren bespronghen vp haer weecste.