Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Ende vp den seluen tijt so was te Ghendt collacie ghehouden]

Ende vp den seluen tijt so was te Ghendt collacie ghehouden, ter cause van dat snachts inne ghelaten waren.xv.personen te peerde, commende vanden graue van Nassauwen, ende terstont lieten si vallen het schofhec vander poorte. Ende tsegghen van hem lieden was als dat die gaerde ende al sijn volc in ghecommen soude hebben, omme twelcke si vinghen dese.xv.personen, omme te wetene wie dat van huerlieder Rade waren, ende liepen terstont in die wapene staen ter marct, ende men slouch die groote clocke aen een boort vp tbeelfroot, ende daer was eene grote beroerte onder hem lieden, ende dit was den laetsten dach van April. Anno.M.iiij^c.ende.xcij.