Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.vi.sten dach van Meye so was den grooten Raet van Brugghe versaemt]

Item vp den.vi.sten dach van Meye so was den grooten Raet van Brugghe versaemt, ter cause vander laetste dachuaert die ghehouden was te Mechelen dat die.iiij.landen in alle steden souden gheuen van elcken huyse.ij.guldens al sprinchens landen duere, dies so soude die hertoghe van Zassen so vele doen dat den coopman soude vry varen ende keeren in die voorseyde landen, te watere ende te lande, ende hi soude doen lichten alle die garnisoenen wten landen ende steden, ende dese penninghen soudemen gheuen binnen eenen iare te.iiij.paeymenten. Waer vp dat die van Brugghe antwoorden, dat si wel vanden aduijse waren om te doene al dat redelic ware.