Dits die Excellente Chronijcke van Vlaenderen
(1531)–Anoniem Dits die excellente cronike van Vlaenderen–Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]
[Folio CC.lxxiiij.v]
| |
ITem vp den.xxx.sten dach van Maerte, soe trocken dye van Ghendt huyte, ende wonnen dye stede van Gheertsberghe, ende beroofden die stede, ende staken tvier in sommeghe huysen, ende hadden al tgoet gheladen vp waghens omme te ghendt waert te voerene. Ende ontrent een mijle van daer sijnde, die Henewiers ende eeneghe vander gaerde dit gheware wordende sloughen van achtere in haren steert, ende versloughen vele van den seluen Ghentenaers.
¶ Item inden seluen tijt ghecreghen die van Ghendt wedere die stede van Hulst, ende verbarnen die voorboughen ende daden grote schade ontrent der stede. |
|