Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Item inde selue maent so verbarnden die vander Sluys die stede van Ardenburch.

Ende corts daer naer verbarnden die van Ghendt die prochye van Wijnghene, ende beroofdense van al dat sijer vonden.

¶ Item in desen seluen tijt was den ionghen hertoghe van Gheldre huyt Vranckerijcke ghesonden met schoonen state int landt van Gheldre, daer hy heerlicke ende minlick ontfanghen was met groter triumphe.

[Vp den.xxix.sten dach in Maerte]

¶ Item vp den.xxix.sten dach in Maerte so was vergadert den raet van Brugge, ende daer was te kennene ghegheuen die begeerte vanden prinche, omme alle saken te bringhene teenen goeden apointemente, ende mijn here Phelips van Rauesteyn soude daer vp verantwoorden binnen.xiiij.daghen.