Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Item in den seluen tijt so quamen dye vanden Damme voor dezelpoorte, daer si eenen wakere doot sloughen.

¶ Item die selue vanden Damme quamen vp eenen nuchtenstont voor sinte Kathelijne poorte, ende laghen daer in bleeckerye en doken, ende meenden wel alle die beesten ghenomen te hebbene, diemen ter poorten huyt ghedreuen soude hebben, maer men wierts gheware ende men dreef die beesten weder omme al in die stede. Ende si dat siende quamen tot in dye poorte ende sloughen voren in die poorte eenen waker doot. Ende vijnghen een van scapiteyns ghesellen, gheheeten Ian Mariot, ende keerden weder naar den Damme, roouende ende nemende al dat si vonden vp den wech van beesten ende andersins. Ende dit daden si huyt causen dat sy wilden betaelt sijn van die van Brugghe van alle den tijt dye si ten Damme gheleghen hadden.