Item vp den.ix.sten dach van Sporcle, so vertrocken die ghedeputeirde van Brugghe ter dachuaert te Mechelen, daer alle die edele vanden landen vergadert waren ende dye ghedeputeirde van allen steden, ende dat om eenen generalen paeys te makene.
[Vp den.x.sten dach van Sporcle]
¶ Item vp den.x.sten dach van Sporcle, so track Ian Denijs schipman heymelick huyt Ghendt, ende trac vp tcasteel te Honsdom bi Neuele, ende hi was daer Capiteyn ende hadde by hem wel.C.ghesellen seere wel voorsien, ende tcasteel was seer sterc ghebollewerct ende wel bewatert, ende deden vele schimps der stede van ghendt, ende vinghen ende beroofden tlandtsvolc daer ontrent.
Auteursrechtvrij