Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den laetsten dach van Decembre]

Item vp den laetsten dach van Decembre, soe was te Brugghe tghelt of ghestelt, inder manieren hier naer volghende.

Eerst den ingelschen no.mett' rose.	ix.schellingen.iiij.der
Den nobele Heynricus	viij.schellingen groten
Den Inghele van Inghelant	vi.schellingen.ij.der
Den gouden vlaemsche nobele	viij.schellingen groten
Den gouden leeu	v.schellingen groten
Den gouden Andries guldene	xl.groten
Den rijdere ende hongersche ducaten.	iiij.schellingen.iiij.der
De scuytkens ende cronen mett'sonne.	iii.schellingen.xi.der
Ende die gouden croonen	iii.schellingen.x.der
Den goudenrijnschen coruosters gul.	iij.schellingen.iiij der

¶ Tselueren ghelt.

Die grote Realen nyeu ghesleghen	ix.groten
Die dobbele Phelips ende karolus ende metten.ij.helmen ende metter croone	iiij.groten
die dobbel met.ij.leeuwen.	iij.groten.viij.mijten

¶ Noch gouden ghelt.

Lueuensche Pietere, Hutrechts gulden, ende sint Ians guldens	iij.schellingen.groten
Phelips clinckaert ende beyersche gul.	ij.schellingen.vi.der
Den Ghelderschen Rijdere	ij.schellingen.iiij.groten
Die Sauoysche croonen	iij.schellingen.x.der
Den Postulaet	xx.groten
Die Inghelsche stooters	iiij.groten
Die dobbele van Borbon	iij.groten
den penninc phelips diemen hiet coppenolle.	ij.groten

¶ Item es te wetene dat alle vitaelgie ghestelt was naer den cours vanden ghelde, maer ten duerde niet langhe.

¶ Item es te wetene dat te Brugghe doe grote triumphe ghedaen was van blijschepen dat wi te paeyse gherocht waren. Ende als doe quam die tijdinghe dat den coninck vanden Romeynen soude ghecroont sijn coninc van Hongheryen, waer omme dat grote triumphe bedreuen was. Ende inden burch was doe ghemaect een schoon groot vier al van nyeuwe stoelen, omme dieswille dat thout qualic om ghecrijghen was, twelc was ghedaen huyt triumphen ende voor een nyeuwicheyt, in welc vier waren verbarrent.v.hondert nyeuwe stoelen. Ende inden burch was ghetemmert voor Tschepen huys een schip wel aerdich ende gent, daer inne datmen ghenouchte bedreef. Ende tsauens esbatementemen inden Burch, daer diueersche prijsen van wijne mede te winnene waren. Ende int voornomde schip stonden Heraulten met schoonen wapenrocken. Ende aen tschip stont ghescreuen dit naervolghende.