Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item den.xix.sten in Nouembre]

Item den.xix.sten in Nouembre, so warente Brugghe gheordonneirt.xviij.personen met den twee gheestelicke personen voorseyde, by consente van mijn here Phelips van Rauesteyn, ende byden ghemeenen volcke vander stede, vp auentuere was ouerlaste der stede bi nachte mochte comme om te treckene bi mijn heere van Nassauwe te Damme, omme met hem te communikierene, omme te gherakene teenen goeden paeyse.

¶ Item in desen tijt was verboden datmen binnen Brugghe in gheene prochyekercken mochte luyden te mattene, noch oock sauens vp auentuere of der stede yet toe ghecommen hadde bi nachte, datmen by dien die clocke vp dye halle te min hadde moghen horen, ende specialicken om dat dye ghedeputeirde vertrocken waren.