Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item die voorseyde ghedeputeirde commende ten Damme]

Item die voorseyde ghedeputeirde commende ten Damme, si vielen te voet voor mijn heere van Nassauwe, biddende voor dye stede van Brugghe om een vriendelick apointement. Vp twelcke hi daer antwoorde als aengaende het sic van die van Brugge, dat si verbuert hadden lijf ende goet, twelcke hem verbeden was, ende datment hem al vp gheuen soude tsijnder gheliefte, ende dat hi dan doen soude dat hem dye van Brugghe mochten belouen ende hem dancken. Voort soe begheerde hi te hebben tsijnen wille ende beliefte die hi noteren soude, ende eene seere grote somme van penninghen dye buyter maten groot was.