Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.xx.sten dach van Octobre]

Item vp den.xx.sten dach van Octobre quamen wel.ijc.peerden ende ijc.voetknechten tot voor dye barriere van Brugghe, ende daer vinghen si die lieden, ende keerden byder nacht naer Vassenare, ende wachten der tsanderdaechs metten daghe die landtslieden van Noortwaert, ende si vinghender wel.ij^c.ende namen wel twee hondert peerden dye si spienen huyt hueren wagens, ende lietense also staen metter vitaelgie. Ende quamen weder den.xxiiij.sten vander seluer maent, ende staken tvier in Iabbeke, ende namen al dat sy daer vonden, ende reden weder thuysewaert, want hem lieden en dede nyement gheen belet, wandt die lantslieden liepen al voren wech.