Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

Hoe mijn here van Breeroode, vertrac van Brugghe met een groot volck te Holland waert, omme dat in te nemene, ten oorbore vanden Hertoghe Phelips onsen natuerlicken Prinche.

[Den.x.sten dach van Nouembre]

[fol. CC.lx.r]

VOort vp den.x.sten dach van Nouembre so vertrac mijn here van Breederoede te Hollant waert, omme Hollant in te nemene ten oorbore vanden Hertoghe Phelips onsen natuerlicken Prinche met.ij.duysent ruyters van Brugge, dye welcke binnen.xiiij.daghen in namen wel.iiij.steden, ende tvolc wilde al met ons wesen. Ende daer naer wan hi noch Amsterdam met crachte den laetsten dach vander voornomder maent Nouembre.