Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item den.xxi.sten dach en den laetsten dach van Hoymaent]

Item den.xxi.sten dach van Hoymaent, so quam Typre inne monseur des Cordes met.vic.glauyen, ten onderstande ende sercourse vanden lande van Vlaendren, ende van onsen natuerlicken here ende prinche den hertoghe Phelips. Ende si

[fol. CC.lvij.v]

hilden raet omme den Keyser ende den Coninck te commene beuechten, maer den keyser noch den coninck en bleuen nieuwers stille ligghende.

¶ Ende corts hier naer so vertrac die Keyser van Ardenburch naer Bouchoute, want hem tlanghe ligghen verdroot, ende van daer so track hy weder Tantwerpen, den laetsten dach van Hoymaent.