Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.xix.sten dach van Wedemaent]

Item vp den.xix.sten dach van Wedemaent, so quam die Coninck vanden Romeynen neder staen met tenten ende met pauwelioenen tusschen Brugghe ende Middelburch in Vlaendren, omme een Assault vp Brugghe ende vp den Damme te doene. Ende vp den.xx.sten dach vander seluer maent, so quamen te Brugghe inne die fransoysen, ende waren wel.xiij^c.peerden, sonder die voetknechten, waer of dat huerlieder vpper capiteyn was mijn heere van Peenen. Maer hier te voren eer die Fransoysen quamen, soe ghebuerde den slach te Cocxye als hier naer verhaelt staet.