[Item den.xxvij.sten dach van Wedemaent]
Item den.xxvij.sten dach van Wedemaent, so quam te Brugghe een mare, als dat Dixmude inghenomen soude wesen, het welcke also niet en was. Maer noch seydemen dat mijn here van Dixmude hadde ghehouden mijn here van Meerwede, ende Boxoren, ende Phelips hondekin, ende noch twee Capiteynen. Waer omme dat midts datmen meende dat hijse gheuangen hilt, warende goetwilleghe sonder gaedgie versaemt eene quantiteyt, ten sercourse van die van Dixmude, aenghesien dat si screuen dat ouer dander sijde van Dixmude waren wel.viijcghesellen van Brugge mijn here van Fletre mede by Dixmude was met den volcke van Brugge. Ende wesende vp onder half mijle naer Dixmude, sonden een trompet ende twee vanden beste ghemonteirde ghesellen, omme te acoutene, ende si worden gheuanghen. Ende hadde ons volck naerder ghecommen, si soudender alle ghebleuen hebben,
Auteursrechtvrij