Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.xv.sten dach van Wedemaent]

Item vp den.xv.sten dach van Wedemaent, so quam te Brugghe een heraut vanden Roomschen coninck ende van den Keysere sijnen vadere, ende brochte eenen brief aen eenen priestere, die die coninc daer te voren ghesonden hadde aen die heeren van Brugge om een bestant te maken van.viij.daghen. Ende hier omme so quam een groote beroerte onder tvolc vanden Commune, want si seyden dat hy niet meer brieuen bringhen en soude te Brugghe, of men souden teerste dat hi weder quame doot slaen, want si en wilden van sconincx paeys noch bestant nyet meer horen.