Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp den.vi.sten] dach van Meye.Anno.lxxxviij.]

Item vp den.vi.sten dach van Meye.Anno.lxxxviij.soe was ter halle huyt ghelesen ende te kennen ghegheuen alle die ordonnancie vanden Roomschen coninc hoe dat hy te vreden was in al dat wy begheerden sijnen wille ende consent daer inne te doene. Ende dat die heeren vanden bloede vanden graue Phelips sijnen sone hem souden verwaren ende regieren tot hy te sijnen iaren ghecommen ware, maer eert hier toe commen soude moeste hy eerst vp sijne vrye voeten wesen. Maer het gheheele lant hadde ghesloten niet van hem te scheedene voor ander stont, dat den Roomschen coninc alle sijne garnisoenen souden hebben ghedaen lichten, ten orbore ende profijte vanden ghemeenen lande.