Dits die Excellente Chronijcke van Vlaenderen

Beghinnende van Liederick Buck den eersten forestier tot den laetsten, die door haar Vrome feyten, namaels Grauen van Vlaenderen gemaect Worden [...]

[Item vp desen seluen tijt in die maent van Meye.Anno.lxxxv.]

Item vp desen seluen tijt in die maent van Meye.Anno.lxxxv. soe quam die Roomsche coninck met alle sijnen schepen wedere voor tzwijn ter sluys buyten den gate, waer of dat Phelippe monseur was Capiteyn generael, ende daden grote schade meer dan si van te voren ghedaen hadden, ende sommeghe vanden schepen quamen binnen ligghen. Ende corts daer naer soe quamen eeneghe ghedeputeirde van Brugghe ter Sluys, ende trocken met eenen boote tot den schepe daer die coninc in was. Ende met hem ghesproken hebbende, des anderdaechs vertrack dye Coninck met grooter menichte van sijnen volcke ouere naer Ardenburch, ende van daer te Brugghe.